Градски базен, Пула
Новиот градски базен во Пула, Хрватска, беше завршен во 2018 година. Се одликува со стилска фасада и впечатлив покрив однадвор, и со совршени услови за пливање внатре. Обете се овозможени со AQUAPANEL® технологија.
Спектакуларен покрив изведен со AQUAPANEL® CEMENT BOARD SKYLITE
Архитектите од Urbis Architecture d.o.o. кои го дизајнираа објектот, имаа неколку предизвици за надминување. Тие сакаа да изведат испакнат покрив со специјална геометрија, со различни агли и големи наклони. Она што им требаше беше лесен материјал што лесно се прилагодува на формата на дизајнот. Истовремено, материјалот мораше да биде многу отпорен, не само на временските услови, туку и на солен воздух - заради близината на морето.
Решението беше пронајдено во цементните табли AQUAPANEL® SkyLite. Овие табли се специјално дизајнирани за градење тавани и имаат многу мала тежина од само 10,5 kg/m2 , но голема цврстина и отпорност на влага и дожд, а лесни се и за вградување.
Голема флексибилност со AQUAPANEL® CEMENT BOARD INDOOR
Внатрешноста исто така бараше интелигентно решение, бидејќи мора да им одолее на типичните тешки услови на базен: високи температури, многу висока влажност, повремено директно влијание на водата, како и изложеност на хлор. AQUAPANEL® беше вистинскиот избор за оваа задача бидејќи цементните плочи нудат голема отпорност, дури и против мувла. Но, во внатрешноста се користеа две различни решенија.
AQUAPANEL® Cement Board SkyLite беше користен во делови од внатрешната конструкција на таванот поради својата мала тежина. AQUAPANEL® Cement Board Indoor, пак, беше користен за ѕидовите, пред се заради лесното вградување и флексибилноста. Овие плочи можат да бидат свиткани и во заоблени форми - совршено за „бродските“ прозори на зградата. Двата производи овозможија овој прекрасно дизајниран и високо функционален спортски објект во Пула да стане реалност.